Riqa Şəhər Şurası Rusiyanın hərbi hücumuna müqavimət göstərən Ukraynanı dəstəkləyib və Ukrayna xalqının qəhrəmanlığının şərəfinə küçələrdən birinin adının dəyişdirilməsinə qərar verib.
Maraqlıdır ki, məhz həmin küçədə Rusiya Federasiyasının Latviyadakı səfirliyi yerləşir.
Bundan sonra Antoniyas küçəsi “Ukraynanın Müstəqilliyi” adını daşıyacaq.
Bu barədə Riqa Şəhər Şurasının rəsmi “Twitter” hesabında məlumat verilib.
“Ukrayna xalqının qəhrəmanlıq mübarizəsinə ən güclü dəstəyi ifadə etmək üçün Riqa Antoniyas küçəsinin Rusiya Federasiyasının Latviyadakı səfirliyinin yerləşdiyi hissəsinin adını dəyişdirərək Ukraynanın Müstəqilliyi küçəsi adlandıracaq”, – paylaşımda deyilir.
Lai izteiktu visstingrāko atbalstu Ukrainas tautas varonīgajai cīņai, Antonijas ielas posmu, uz kura atrodas arī Krievijas Federācijas vēstniecība Latvijā, Rīga pārdēvēs par Ukrainas neatkarības ielu. #StandWithUkraine pic.twitter.com/kUKwPkKVNw
— Rīga (@RigasDome) March 4, 2022
