Rusiya-ABŞ məsləhətləşmələrinin keçirilmə tarixi AÇIQLANDI

Rusiya və ABŞ arasında məsləhətləşmələr aprelin 10-da İstanbulda keçiriləcək.

Oxu.Az-ın məlumatına görə, bu barədə TASS mənbəyə istinadla xəbər yayıb.

İki ölkə arasındakı məsləhətləşmələrin ikinci raundunda Rusiya nümayəndə heyətinə Rusiyanın Vaşinqtondakı səfiri Aleksandr Darçiyev, ABŞ nümayəndə heyətinə isə Birləşmiş Ştatların dövlət katibinin Avropa və Avrasiya məsələləri üzrə köməkçisinin müavini Sonata Kulter başçılıq edəcək.

Qeyd edək ki, əvvəlki Rusiya-ABŞ məsləhətləşmələri fevralın 27-də İstanbulda keçirilmişdi.

08 aprel, 16:44

Rusiya ABŞ rəsmiləri ilə İstanbulda keçiriləcək görüşdə Xarici İşlər Nazirliyi xətti ilə təmsil olunacaq.

Oxu.Az TASS agentliyinə istinadən xəbər verir ki, bu açıqlama ilə Kremlin sözçüsü Dmitri Peskov çıxış edib.

"Bizim tərəfimizdən bu, XİN xətti ilə olacaq. Buna uyğun olaraq, XİN-dəki həmkarlarımızdan məlumat gözləyin", - deyə D.Peskov vurğulayıb.

Xatırladaq ki, Rusiyanın xarici işlər naziri Sergey Lavrov da Moskva və Vaşinqtonun ikitərəfli münasibətlərdə qıcıq doğuran amilləri aradan qaldırmaq və təmasları normallaşdırmaq üçün yeni görüş hazırladığını bildirib. Onun sözlərinə görə, artıq İstanbulda bir görüş olub, indi ikinci görüş hazırlanır.