Rusiyada əyləncə dəhşətlə bitdi: Kəndirdən yıxılan akrobat öldü

Rusiyanın Rostov-Don şəhərində sirk tamaşası zamanı hündürlükdəki kəndirdən yıxılan akrobat aldığı xəsarətlərdən xəstəxanada dünyasını dəyişib.

Oxu.Az bu barədə NEWS.ru-ya istinadən məlumat verir.

Rusiya İstintaq Komitəsinin regional idarəsinin xəbərinə görə, faktla bağlı insan ölümünə səbəb olan əməyin mühafizəsi tələblərinin pozulması maddəsi üzrə cinayət işi açılıb.

İstintaq məlumatlarına görə, akrobat dörd metr hündürlükdə fənd göstərib: o, iki qüllə arasında quraşdırılan kəndir üzərində sükansız velosiped sürüb, lakin bir məqamda müvazinətini itirərək yıxılıb.

Akrobat xəstəxanaya aparılıb, ancaq orada ölüb. Hadisə ilə bağlı məhkəmə-tibbi ekspertizası təyin edilib.

10:36

Rusiyanın Rostov şəhərində akrobat sirk tamaşası zamanı trapesiyadan yıxılıb.

İfaçı səhnədən bir neçə metr hündürlükdə olan dar kəndir üzərində velosiped sürməyə çalışsa da, tarazlığını saxlaya bilməyib.

Hadisənin görüntüləri sosial şəbəkələrdə sürətlə yayılıb.

Zərərçəkənin vəziyyəti barədə məlumat verilmir.

Mənbə: "REN TV" "Telegram"