Rusiyada bir gecədə səviyyəsi 81 sm qalxan Ural çayında qayıq batdı: İnsanların xilas anı - FOTO/VİDEO

Rusiyanın daşqınların əsarətində olan Orenburq şəhərində Ural çayının səviyyəsi 81 sm artaraq 978-ə yüksəlib (930 sm səviyyəsi təhlükəli sayılır).

Ekspertlər vəziyyətin daha da pisləşəcəyini proqnozlaşdırırlar.

Gecə saatlarında sel suları Orenburqda 300-dən çox evi basıb. Sakinlər xilasedicilər tərəfindən təhlükəsiz ərazilərə aparılıblar.

Su yüksəlməkdə davam edir, yaxın 24 saat ərzində hidroloqlar çayın səviyyəsinin daha 30-70 santimetr artacağını proqnozlaşdırırlar.

Sosial şəbəkələrdə təbii fəlakətin nəticələri ilə bağlı çoxlu görüntülər yayılıb. Kadrların birində batan qayıqdan insanların xilas anı əks olunub.

Rusiyada bir gecədə səviyyəsi 81 sm qalxan Ural çayında qayıq batdı: İnsanların xilas anı - FOTO/VİDEO

Mənbə: RİA Novosti