Rusiya Prezidenti Vladimir Putin "Əcnəbi vətəndaşın rəqəmsal profili" dövlət resursunun yaradılması haqqında fərman imzalayıb.
Oxu.Az bu barədə "Kommersant" nəşrinə istinadla xəbər verir.
Bildirilir ki, sözügedən dövlət resursunda ölkəyə daxil olan əcnəbilər haqqında məlumatlar yer alacaq.
Sənədə əsasən, Daxili İşlər Nazirliyi onu 2026-cı il iyunun 30-dək yaratmalıdır.
O cümlədən rəqəmsal profildə ölkəyə girişə, daşınmaz əmlaka, məhkumluğa, rus dili testinə dair və tibbi məlumatlar yer alacaq.
