Rostovda istintaq təcridxanasında əməkdaşları girov götürən şəxslər məhv edildilər

Rusiyanın Rostov vilayətindəki 1 saylı istintaq təcridxanasında iki əməkdaşı girov götürən şəxslər zərərsizləşdiriliblər.

Onların İŞİD terror qruplaşması ilə əlaqəli şəxslər olduğu bildirilib.

Əməliyyat zamanı həmin şəxslər məhv edilsə də, girovlar xəsarət almayıblar.

12:12

Rusiyanın Rostov vilayətindəki 1 saylı istintaq təcridxanasında saxlanılan təqsirləndirilən şəxslər iki əməkdaşı girov götürüblər.

Bu barədə Rusiyanın Federal Penitensiar Xidməti "Telegram" kanalında məlumat yayıb.

Məlumata görə, Penitensiar Xidmətin Rostov vilayəti üzrə Baş İdarəsinin rəisi, eləcə də qarşılıqlı fəaliyyət göstərən hüquq-mühafizə orqanlarının və prokurorluğun nümayəndələri hadisə yerindədirlər. Hazırda girovların azad edilməsi üçün danışıqlar aparılır.

İdarədən bildirilib ki, istintaq təcridxanası normal rejimdə işləyir və vəziyyətə nəzarət olunur.