Rusiyanın Moskva vilayətində 16 yaşlı məktəbli oğlan təsadüfən içində informatika fənnindən ev tapşırığının olduğu fləş-kartı udub.
Oxu.Az-ın xəbərinə görə, bu barədə Moskva vilayəti Səhiyyə Nazirliyinin saytında məlumat verilib.
Yeniyetmənin sözlərinə görə, informatika fənnindən tapşırığı yerinə yetirdikdən sonra onu fləş-karta yükləyib. Daha sonra fləş-kartı udan oğlanı valideynləri xəstəxanaya aparıblar.
Həkimlər xüsusi endoskopik alətdən istifadə edərək heç bir kəsik olmadan fləşi uşağın mədəsindən çıxara biliblər. Əməliyyat cəmi 15 dəqiqə davam edib və ertəsi gün o, evə göndərilib.
