Vladimirdən olan rusiyalı 30 yaşlı proqramçı Valeri Spridonov öz başının yeni bədənə transplantasiya edilməsinə və bu unikal əməliyyata ilk namizəd olmağa razılaşıb.
Oxu.Az bu barədə The Daily Mail-ə istinadən xəbər verir.
Spridonovun ciddi və çox nadir xəstəliyi var – kürək əzələ atrofiyası.
Rusiyalını İtaliyadan olan həkim Serco Kanavero əməliyyat edəcək. Əməliyyat birinci və eksperimental olacaq.
Bütün sifarişlərdən həkim məhz rusiyalını seçib, belə ki, məhz bu diaqnozlu xəstələrin başlarının köçürülməsi planlaşdırılır.
Proqramçı özü jurnalistlərə qərarını dəyişməyəcəyini bəyan edib.
Rusiyalı üçün donor müalicə olunmaz beyin travması alan insanlar ola bilər. Eləcə də kişiyə edama məhkum olunan cinayətkarın bədəninin verilə biləcəyi variantı da mövcuddur.
Əməliyyatın dəqiq tarixi məlum deyil. Həkim labüd tibbi əməkdaşlar ştatı yığmalı və layihənin maliyyələşdirilməsi problemlərini həll etməlidir.
Amma artıq bu yay doktor öz pasienti ilə neyrocərrahiyyə konqresində çıxış etmək niyyətindədir.
