Ötən gün başa çatan seçkinin nəticəsinə görə, Rusiyanın paytaxtı Moskva şəhərinin hazırkı meri Sergey Sobyanin yenidən bu vəzifəyə seçilib.
İlkin məlumatlara görə, o, səslərin 75%-dən çoxunu toplaya bilib.
Qeyd olunub ki, paytaxtda üç gün davam edən səsvermədə seçicilərin böyük əksəriyyəti öz iradələrini elektron formada bildiriblər. Ümumilikdə, 2,7 milyondan çox metropoliten seçicisi (seçkidə iştirak edənlərin 80%-dən çoxu) kağız bülletenlərdən istifadə edən 570 min nəfərə qarşı onlayn səsverməni seçib.
Nəticədə, hazırkı mer Sergey Sobyanin 77% -dən çox səs toplayaraq “elektron müsabiqədə” inamla qalib gəlib.
Sonrakı yerləri Leonid Züqanov (Kommunist Partiyası, 8%), Boris Çernışov (LDPR, 6%), Vladislav Davankov (5,1%) və Dmitri Qusev (3,9%) tutublar.
Mənbə: “Kommersant”
