Danimarka sahillərində bu ölkənin Hərbi Hava Qüvvələrinə məxsus F-16 qırıcısı qəzaya uğrayıb, Yahoo News məlumat yayıb.
Oxu.Az lenta.ru-ya istinadən xəbər verir ki, hadisə çərşənbə axşamı oktyabrın 27-də krallığın qərb hissəsində Şimal dənizi akvatoriyasında baş verib.
Şassilərin nasazlığı ucbatından pilot katapultla təyyarəni tərk etməli olub. Onu HHQ-nın xilasedici helikopterlərindən biri götürüb.
Təyyarəçi özünü yaxşı hiss edir, komandanlığın bəyanatında qeyd olunur.
Danimarka ilk F-16 qırıcısını silahlanmaya 1980-ci ildə qəbul edib, hal-hazırda HHQ-da bu növdə 30 təyyarə mövcuddur. Onların dəyişdirilməsi haqqında qərar yaxın bir neçə ay ərzində qəbul edilə bilər.
