"Steam"in işində nasazlıqlar yaranıb

"Roskomnadzor"a (Rusiyanın Rabitə, İnformasiya Texnologiyaları və Kütləvi Rabitələrə Nəzarət Federal Xidməti) tabe olan Ümumi İstifadəli Rabitə Şəbəkəsinin Monitorinq və İdarəetmə Mərkəzi (ÜİRŞMİM) "Steam" platformasının işində qlobal nasazlıq qeydə alıb. Nasazlıqlar barədə məlumatlar təkcə Rusiyadan olmayıb.

Oxu.Az xəbər verir ki, bu barədə TASS-a qurumun mətbuat xidmətindən bildirilib.

"ÜİRŞMİM "Steam" platformasının işində qlobal nasazlıq qeydə alıb. Platformanın işindəki nasazlıqlar barədə məlumatlar bütün dünyadan, o cümlədən ABŞ, İtaliya və Almaniyadan daxil olur", - deyə mətbuat xidmətindən əlavə edilib.