Tanınmış baş məşqçi Almaniya klubuna ömürlük üzv seçilib - FOTO

Şotlandiyalı tanınmış baş məşqçi Ser Aleks Ferqyuson Almaniyanın “Ayntraxt” klubunun ömürlük fəxri üzvü seçilib.

Oxu.Az xəbər verir ki, bu barədə Frankfurt klubunun “X” hesabında məlumat yayılıb.

Bundesliqa təmsilçisi bu münasibətlə Ferqyusona 10 nömrəli forma hədiyyə edib.

82 yaşlı mütəxəssis Almaniya klubu ilə həmişə sıx təmasda olduğunu, “Ayntraxt”ın üzvü olmaqdan məmnunluq hissi keçirdiyini deyib. O, UEFA Kubokunun 1979/80 mövsümündə Şotlandiya “Aberdin”ini çalışdırarkən “Ayntraxt”la qarşılaşıb. Həmin matçda Ferqyusonun komandası məğlub olub.

Qeyd edək ki, Aleks Ferqyuson 1986-2013-cü illərdə “Mançester Yunayted” ilə işləyib.

🦅❤️
Sir Alex Ferguson wird lebenslanges Mitglied bei Eintracht Frankfurt.

Berührungspunkte finden sich zuhauf – und waren Anlass für einen Besuch samt persönlichem Gespräch mit der Trainer- und Managerlegende von Manchester United.#SGE

— Eintracht Frankfurt (@Eintracht) March 19, 2024