Telman İsmayılovun restoranını “su qiymətinə” almaq istəyirlər

VTB qrupu AST holdinqinə girov aktivlərini 33 milyon dollara dəyərləndirərək geri götürməyi təklif edib.

Oxu.Az xəbər verir ki, bu barədə “Vedomosti” AST-nin təsisçisi - Telman İsmayılovun mətbuat xidmətinə istinadən məlumat yayıb.

Daha öncə bildirilmişdi ki, kreditlər üzrə girov kimi “Praqa” restoranı, Kranaya Presnyada ofis və İzmayılovda ticarət mərkəzi göstərilib.

AST onları təxminən 250 milyon dollara qiymətləndirir.

VTB nümayəndəsi qrupun belə bir təklif etmədiyini bildirib.

Moskvanın Arbitraj məhkəməsi Moskva Bankının xeyrinə “KBF AST” MMC-ni (Telman İsmayılovun AST qrupuna daxildir) 213 milyon dollar cərimə etmək qərarına gəlib.

www.oxu.az