Tramp "Fox News"un aparıcısına yüksək vəzifə verdi

"Fox News" telekanalının aparıcısı, Co Baydenin kəskin tənqidçisi olan Den Bondcino ABŞ Federal Tədqiqatlar Bürosunun (FTB) direktor müavini təyin edilib.

Oxu.Az xəbər verir ki, bu barədə ABŞ Prezidenti Donald Tramp özünün "Truth Social" şəbəkə hesabında məlumat verib.

Birləşmiş Ştatlar prezidenti qeyd edib ki, Den Bondcino ölkəsini hədsiz sevən, psixologiya və biznesin idarə edilməsi üzrə magistr təhsili olan mütəxəssisdir.

"O, həmçinin Nyu-York polisində və ABŞ Məxfi Xidmətində çalışıb. İndi isə ölkənin ən uğurlu podkast aparıcılarından biridir", - D.Tramp yazıb.