Trampdan Rusiyaya qarşı sanksiya

ABŞ Prezidenti Donald Tramp Rusiya bayrağı altında üzən və ya başqa şəkildə Rusiya ilə bağlılığı olan gəmilərin Birləşmiş Ştatların limanlarında qəbuluna qoyulmuş qadağanın müddətini daha bir il uzadıb.

Oxu.Az xəbər verir ki, bu barədə Ağ Evin ABŞ Federal Reyestrində yerləşdirilmiş sənədində deyilir.

Sənəddə deyilir ki, Rusiya hökumətinin siyasəti və hərəkətləri ABŞ-nin beynəlxalq münasibətlərinə zərər vurduğuna və ya belə bir təhlükənin yaradılmasına görə Vaşinqton üçün milli miqyasda fövqəladə vəziyyət yaratmağa davam edir.

Qeyd edək ki, müvafiq qadağa 2022-ci il aprelin 21-də ABŞ-nin keçmiş Prezidenti Co Bayden tərəfindən tətbiq edilib.