İstanbuldakı türk hamamlarından birinin rəhbəri Əhməd Karagüney məhkəmə tərəfindən 3000 türk lirəsi (1250 dollar) məbləğində cərimələnib.
Oxu.Az-ın Qafqazinfo-ya istinadən məlumatına görə, o, transseksual şəxsə qarşı diskriminasiyada günahlandırılıb.
Belə ki, cinsi azlıq nümayəndəsi İpək Kiranci adlı şəxs rəfiqəsi ilə birlikdə qadın hamamına gəlib. Amma qapıda dayanan hamam sahibi onu içəri buraxmayıb və qovub.
İpək Kirancinin şəxsiyyət vəsiqəsində qadın cinsi qeyd olunduğundan onun vəkili hadisədən dərhal sonra məhkəmə qarşısında iddia qaldırıb. Məhkəmə isə qərarı İpək Kirancinın xeyrinə qəbul edib.
Bu hadisə Türkiyə tarixinə transseksual şəxsin iddiası barədə qəbul edilmiş ilk müsbət qərar kimi düşüb.
