Türkiyədə əməliyyat: Milli Kəşfiyyat Təşkilatının saxta əməkdaşı həbs edildi

Türkiyənin Şanlıurfa şəhərində özünü Milli Kəşfiyyat Təşkilatının (MKT) əməkdaşı kimi təqdim edən şəxs həbs edilib.

Bu barədə Oxu.Az "Haber Global"a istinadən xəbər verir.

Şanlıurfa prokurorluğu tərəfindən aparılan istintaq çərçivəsində özünü MKT işçisi kimi tanıdan şəxsin vətəndaşlardan şantaj və təzyiq yolu ilə pul və qızıl aldığı müəyyən edilib.

Polis və jandarma qruplarının birgə keçirdiyi əməliyyat nəticəsində saxta MKT-çi yaşadığı ünvanda saxlanılıb.

Ünvanda aparılan axtarışlar zamanı çox sayda silah, sursat və saxta sənədlər aşkarlanıb.

Polis bölməsində aparılan əməliyyatlardan sonra məhkəməyə göndərilən şəxs həbs edilib.