Bu gün Türkiyənin Van şəhərində hakim Ədalət və İnkişaf Partiyasının (AKP) qərargahı ilə Van Valiliyi arasındakı ərazidə törədilən partlayışda yaralılarla bağlı yeni rəqəm açıqlanıb.
Oxu.Az-ın Hurriyet-ə istinadən verdiyi məlumata görə, Van Valiliyi saat 11.50 radələrində bomba yüklü avtomobilin partladılması nəticəsində 2-i polis olmaqla, 48 nəfərin yaralandığını açıqlayıb.
Van Polis İdarəsinin rəisi Suat Ekici bildirib ki, içərisində partlayıcı olan, dayanacaqda dayanmış mikroavtobus partladılıb.
13:06
Türkiyənin Van şəhərində güclü partlayış baş verib.
Oxu.Az Türkiyə KİV-ə istinadən xəbər verir ki, hadisə AKP-nin yerli şöbəsi ilə valiliyin inzibati binasının arasında qeydə alınıb.
İlkin məlumata görə, hadisə nəticəsində 11 nəfər yaralanıb.
Hadisə yerinə çoxlu sayda təcili tibbi yardım maşını göndərilib.
Hələlik rəsmi açıqlama verilməsə də, partlayışın bomba yüklü avtomobilə törədildiyi ehtimal edilir. Partlayışdan sonra yanğın başlayıb. Partlayışın təsirindən yaxınlıqdakı binaların pəncərələrinin şüşələri sınıb.
