Bu gün Türkiyənin Bolu şəhərində 78 nəfərin həyatını itirdiyi "Kartalkaya" xizək kurortunda yerləşən "Grand Kartal" hotelindəki dəhşətli yanğınla bağlı açılan cinayət işi üzrə ilk məhkəmə iclası keçiriləcək.
Oxu.Az xəbər verir ki, bu barədə "Anadolu" agentliyi məlumat yayıb.
Məlumatda qeyd olunub ki, insidentlə əlaqədar təqsirli bilinən 32 nəfər hakim qarşısına çıxarılacaq.
Proses Bolu 1-ci Ağır Cinayətlər Məhkəməsində baş tutacaq. Ümumilikdə hadisə ilə əlaqədar 210 şikayətçi mövcuddur.
Qeyd edək ki, 2025-ci ilin yanvarın 21-də Boludakı "Kartalkaya" xizək kurortunda yerləşən "Grand Kartal" hotelində baş vermiş güclü yanğın nəticəsində 78 nəfər həyatını itirib, 133 nəfər isə müxtəlif dərəcəli xəsarətlər alıb.
