Türkiyənin Qars vilayətində ayağını hər gün fərqli şəkildə sarıyaraq özünü əlil kimi göstərən və 19 müxtəlif oğurluq cinayətində ittiham olunan dilənçi saxlanılıb.
Bu barədə Oxu.Az TRT Haber-ə istinadən xəbər verir.
Məlumata görə, polis bölməsinə gətirilən Şahbettin adlı dilənçi ayağında problem olduğunu və yeriyə bilmədiyini bildirib.
Lakin məmurların təkidi ilə sarğılarını çıxarmağa məcbur olub və bu zaman onun ayağını rahat hərəkət etdirdiyi, problemsiz oturub-qalxdığı, əsa olmadan yeridiyi məlum olub.
Həmçinin Şahbettinin üzərində aparılan yoxlamalar zamanı onun Ağrı vilayətindən Qarsa gəldiyi və 19 müxtəlif oğurluq cinayəti üzrə qeydinin olduğu müəyyən edilib.
Rəylər