Türkiyənin Van-Bahçesaray magistralının 33-cü kilometrliyində qar uçqunu nəticəsində həlak olanların sayı 26-ya yüksəlib.
“Hürriyət”in məlumatına görə, bu barədə Türkiyə Respublikası Fövqəladə Halların İdarə olunması Agentliyi xəbər yayıb.
Qeyd edilib ki, 53 nəfər isə yaralanıb.
16:27
Türkiyənin Van-Bahçesaray magistralının 33-cü kilometrliyində baş verən uçqun zamanı ölənlərin sayı 21-ə çatıb.
“Haber7” xəbər verir ki, bununla bağlı Van valisi Mehmet Emin Bilmez məlumat verib.
Onun sözlərinə görə, ölənlərdən səkkizi polis, üçü təhlükəsizlik əməkdaşı, biri xilasedici, doqquzu isə sadə vətəndaşdır.
15:14
Türkiyədə qar uçqunu nəticəsində qarın altında qalan mikroavtobusdakı iki nəfərin xilas edilməsi üçün aparılan axtarışlar zamanı növbəti faciə baş verib.
“Hürriyet” xəbər verir ki, axtarış-xilasetmə əməliyyatı aparılan zaman ərazidə növbəti qar uçqunu baş verib.
Qeyd edək ki, uçqun Van-Bahçesaray magistralının 33-cü kilometrliyində qeydə alınıb. Əraziyə əlavə qüvvələrin cəlb edilməsindən sonra qar altında qalan 30-dan çox insanın axtarışlarına başlanılıb.
Türkiyənin Daxili İşlər naziri Süleyman Soylu baş vermiş faciədə səkkiz nəfərin həlak olduğunu açıqlayıb.
