Türkiyədə turistləri aldadaraq 2.1 milyard lirədən (60 milyon dollar) çox qazanc əldə fırıldaqçılar dəstəsi saxlanılıb, 12 nəfər həbs edilib.
Oxu.Az xəbər veri ki, bu barədə İHA məlumat yayıb.
İstanbul da daxil olmaqla Türkiyənin doqquz vilayətində beş ay müddətində şübhəlilərin saxlanılması üçün əməliyyat hazırlanıb. Şübhəlilər bunqalo tipli hotelləri reklam edən saxta elanlar yerləşdirib və mövcud olmayan sifarişlər üçün pul alaraq müştəriləri aldadıblar. Qeyd olunur ki, söhbət yüzlərlə qurbandan gedir.
"Əməliyyat nəticəsində 20 şübhəli saxlanılıb, onlardan 12-si həbs edilib, şübhəlilərdən altı avtomobil və bir motosiklet müsadirə edilib, ümumilikdə vətəndaşları aldatmaq üçün istifadə edilən hesablarında 2 milyard 147 milyon 983 min türk lirəsi olub", - məlumatda bildirilir.
