Qumbara ilə körpünü partladacağını deyən və Başqırdıstan rəhbəri ilə görüşmək istəyən hərbçinin istəyi baş tutub.
Başqırdıstan rəhbəri Radiy Xabirov hərbçi ilə öncə telefonla, sonra isə üz-üzə danışıqlar aparıb.
“Əgər qumbaranı yerə qoysam, bəlam bitəcəkmi?”, - deyə hərbçi soruşub.
“Bəlanız mütləq bitəcək”, - deyə Radiy Xabirov cavab verib.
Danışıqlardan sonra partlayış törətmək istəyən hərbçi saxlanılıb.
Mənbə: “SHOT” “Telegram”
13:18
Ufada qumbaralarla silahlanmış hərbçi yanacaqdoldurma məntəqəsini ələ keçirib və Başqırdıstan rəhbəri ilə görüş tələb edir.
Şahidlərin sözlərinə görə, onun bədənində dörd, əlində isə iki qumbara var.
Sürücülər yoldan geri qaytarılır.
Mənbə: “Lenta dnya” “Telegram”
13:00
Başqırdıstanın paytaxtı Ufada əlində qumbara olan şəxs magistral yolu partlatmaqla hədələyir. Onun 39 yaşlı İldar adlı könüllü hərbi işçi olduğu məlum olub.
İldara qarşı bölməni tərk etməsi ilə bağlı iş qaldırılıb, lakin o, məhkəmə-psixiatrik ekspertizaya gedən zaman yolda qaça bilib.
O, magistral yola çıxıb və əlindəki qumbaranı partlatmaqla hədələyib.
Hərbçi barəsində olan cinayət işinə xitam verilməsini tələb edir.
Yolda nəqliyyatın hərəkəti dayandırılıb və tıxac yaranıb.
Hazırda onunla danışıqlar aparılır.
Mənbə: “Baza” “Telegram”
