Ukrayna qoşunlarının Debaltsevodan çəkilməsi planlı və mütəşəkkil qaydada həyata keçirilib, “Donbass” taborunun komandiri, Ukrayna Ali Radasının deputatı Semyon Semyonçenko Facebook-da yazıb.
“Loqvinovoya nəzarət barədə bütün nağıllar elə nağıl olaraq qaldı – balqabaq karetaya çevrilmədi. Deblatsevo – Artyomovsk yoluna biz məhz Loqvinovoya görə nəzarət etmirik. Digər yolları Milli Qvardiya, Donbass və Ukrayna ordusunun digər hissələri saxlayırlar, - deyə, o, qeyd edib.
Onun sözlərinə görə, “düşmən həmin yolları kəsməyə və qruplaşmanın mühasirədən çıxmasına mane olmağa çalışır”.
Bundan əvvəl bildirilir ki, fevralın 15-də barışıq əldə olunsa da, Debaltstevo ətrafında döyüşlər davam edir. Separatçılar iddia edirlər ki, şəhər Ukrayna ordusu tərəfindən mühasirəyə alınıb.
Debaltsevo Ukrayna hərbçiləri üçün strateji baxımdan əhəmiyyətli məntəqədir – o, Donetsk və Luqanskı birləşdirən M04 yolu üzərində yerləşir.
