"Ulduz müharibələri" və "Ceyms Bond" filmlərindəki rolları ilə tanınan 97 yaşlı britaniyalı aktrisa Tina Simmons evində ölü tapılıb.
Bu barədə Oxu.Az "Mirror" nəşrinə istinadən məlumat verir.
Məlumata görə, 1929-cu il təvəllüdlü Tina Simmons kino və televiziya veteranı olub, lakin "Ulduz müharibələri" seriyasından "Cedayın qayıdışı" filmindəki rolu ilə daha çox tanınır.
Tina Simmons kino və televiziyada çoxillik karyeraya sahib olub, bir sıra Hollivud hitlərində və məşhur Britaniya teleşoularında rol alıb.
Tina ilə təxminən 60 il dost olan aktrisa Madlen Smit emosional mesajla öz kədərini ifadə edib.
"Mən sarsılmışam. O, demək olar ki, 1968-ci ildən bəri mənim rəfiqəm olub. Təklikdə ölmək və ümumiyyətlə, ölmək nə qədər qəddardır", - deyə o qeyd edib.