Rusiyalı kişi yemək qoxusuna görə qadını vəhşicəsinə qətlə yetirib.
Baş verənlər kamera tərəfindən qeydə alınıb.
Dəhşətli hadisə Komidə Asiya mətbəxi çatdırılma xidmətinin müəssisəsində baş verib.
Kadrlardan görünür ki, müəssisəyə soxulan kişi dərhal bağırmağa və söyüş söyməyə başlayıb. O iddia edib ki, suşi hazırlanan mətbəxdən gələn yeməyin qoxusu onun yuxarı mərtəbədəki mənzilinə gəlir və onu əsəbiləşdirir. Bu vaxt yaxınlıqda məhsulları doğrayan bir qadın onun iddialarına cavab verib. Kişi də bıçağı çıxararaq qadına hücum çəkib, onu kürəyindən və qarnından dəfələrlə bıçaqlayıb.
Yemək qoxusuna görə qadını vəhşicəsinə bıçaqladı: Rusiyada dəhşətli cinayət
Yaxınlıqdakı işçilər dəhşət içində onu yaralı qadından uzaqlaşdırıblar, polis və təcili yardım çağırıblar.
Ancaq həkimlərin müdaxiləsinə baxmayaraq, yaralının həyatını xilas etmək mümkün olmayıb.
Faktla bağlı Rusiya Cinayət Məcəlləsinin "qəsdən adam öldürmə" maddəsi ilə cinayət işi başlanıb. Şübhəli həbs edilib.
Mənbə: RBK
