Zelenski və Tramp arasında kritik zəng - Putinlə danışıq öncəsi diplomatik koordinasiya

ABŞ və Ukrayna prezidentləri Donald Tramp və Volodimir Zelenski arasında telefon danışığı olub.

Oxu.Az xəbər verir ki, bu barədə "Yedinıe novosti" telemarafonu məlumat yayıb.

TSN telekanalı mənbələrə istinadən yazır ki, Tramp və Zelenski Rusiya-Ukrayna münaqişəsinin nizamlanmasına imkan verəcək addımları müzakirə ediblər.

Telekanalın məlumatına görə, prezidentlər Trampın Rusiya Prezidenti Vladimir Putinlə danışığından sonra bir-birinə yenidən zəng etmək barədə razılığa gəliblər.

Qeyd edək ki, Kremlin verdiyi məlumata əsasən, Tramp və Putinin telefon danışığı Bakı vaxtı ilə saat 18:00-a planlaşdırılıb.