16 
May
2019
18:10
20
45
1302
Virtual karabakh

“Prior Leasing”: “Caspian Agro” sərgisində iştirak etməyimizin səbəbi aqrar sahədə islahatlardır

Bu il ilk dəfə olaraq “Caspian Agro” Beynəlxalq Kənd Təsərrüfatı sərgisində iştirak edib, sərginin əsas sponsorlarından olmuşuq. Bunun da səbəbi aqrar sahədə islahatlar - kənd təsərrüfatı texnikasının maliyyələşməsində bizim də iştirakımıza imkan yaradılmasıdır.

Bunu “Caspian Agro” sərgisində iştirak edən “Prior Leasing” şirkətinin baş direktoru Azər Hümbətov deyib.

Kənd təsərrüfatı texnikası və damazlıq heyvanları kənd təsərrüfatı məhsulları istehsalçılarına lizinqlə təklif edən “Prior Leasing” sərgiyə iki stendlə qatılıb. 

“Məqsədimiz daha çox fermer və sahibkarı məlumatlandırmaq, şirkətimizi tanıtmaqdır. Stendlərimizə maraq böyükdür. Bizdən kənd təsərrüfatı texnikasının lizinq şərtlərini soruşurlar və elə buradakı stendimizdə müştərilərdən sifariş qəbul edirik”, – deyən Azər Hümbotov vurğulayıb ki, yaradılmış elektron müraciət sisteminə 2 gün ərzində 200-dən artıq müştəri sorğusu daxil olub.

“Müraciətlərin çoxluğunu nəzərə alıb, ərizə və sifarişlərin toplanması, məlumatlandırmanın dolğun aparılması üçün sərgiyə könüllülər cəlb etmişik. Öz stendimizdən başqa, əməkdaşlarımız 10 tərəfdaşımızın da stendində müraciətlər qəbul edir və məlumatlandırırlar. Hər bir fermer bizim əməkdaşlarımız olan istənilən stenddə texnika və damazlıq heyvanın lizinqlə satışı qaydalarını öyrənə və ya dərhal sifariş verə bilər”, – lizinq şirkətinin rəhbəri deyib.

“Prior Leasing”in digər stendində damazlıq heyvanlar nümayiş etdirilir. Bu heyvanlar şirkətin xaricdən idxal etdiyi iri və xırdabuynuzlu heyvan cinsləridir. Şirkətin təklif etdiyi cins heyvanların dəyərinin 60%-i dövlət tərəfindən qarşılanır, qalan hissə isə sərfəli lizinq şərtləri ilə müştərilər tərəfindən ödənilir.

“Əminik ki, sərgidə olduğumuz müddətdə daha çox adamı dövlətin təklif etdiyi bu sərfəli təkliflər barədə məlumatlandıra, qəbul etdiyimiz müraciətləri real satışa çevirə biləcəyik”, – “Prior Leasing” şirkətinin baş direktoru Azər Hümbətov bildirib.

Bizimlə əlaqə saxlayın

Digər İqtisadiyyat xəbərləri