“Fitch Solutions”: “Azərbaycan Mərkəzi Bankı uçot dərəcəsini artıracaq”

“Fitch Group”a aid olan “Fitch Solutions” (FS) 2023-cü ildə Azərbaycanda pul siyasəti ilə bağlı proqnozunu dəyişməz saxlayıb.

APA xəbər verir ki, “Fitch Solutions” 2023-cü ildə Azərbaycan Mərkəzi Bankının (AMB) yenidən maliyyələşdirmə dərəcəsini 9,25% səviyyəsinə qədər artıracağını proqnozlaşdırıb. Bu, şirkətin iyul proqnozu ilə eynidir.

“Fitch Solutions” həmçinin, manatın məzənnəsinin 2023-cü ildə sabit qalacağını müəyyən edib.

Qeyd edək ki, hazırda AMB-nin uçot faiz dərəcəsi 9.0%, faiz dəhlizinin aşağı həddi 7.5%, yuxarı həddi 10.0% təşkil edir. AMB növbəti dəfə uçot dərəcəsi ilə bağlı qərarını noyabrın 1-də açıqlayacaq.