Azərbaycan iqlim maliyyəsi ilə bağlı konsensus yaratmaq istəyir
Azərbaycan iqlim maliyyəsi ilə bağlı konsensus yaratmaq istəyir
“COP29-a hazırlıq üzrə görülən işlər iki istiqamətdə aparılır”.
Oxu.Az bildirir ki, bunu COP29-un baş danışıqçısı Yalçın Rəfiyev keçirilən mətbuat konfransında deyib.
O bildirib ki, ilk istiqamət tədbirdə qəbul olunan sənədlər üzrə işlərdir. Digər istiqamət isə Azərbaycanın iqlim mövzusunda təklifləri ilə bağlıdır:
“Eyni zamanda, bir çox dövlətlərə səfərlər edilib, COP-la bağlı təcrübələr toplanılıb. COP29-la bağlı gözlənilən müzakirələr edilib.
İqlim maliyyələşdirilməsi ilə bağlı fikir ayrılıqları var. Bakı COP-u ilə bağlı əsas gözlənti tərəflər arasında fikir ayrılıqlarını nəzərə almaqla konsensus yaratmaqdır”.
Yalçın Rəfiyev COP29-dan gözlənilən yekun sənədlər üzrə danışıqlar gündəliyinə də aydınlıq gətirib.
O bildirib ki, Azərbaycan konfransa ev sahibliyi mandatı çərçivəsində bütün iştirakçı tərəflərlə danışıqlar prosesinə şəffaflıq, inklüzivlik və neytrallıq prizmasından yanaşır.
“COP29 danışıqlarının əsas mövzuları, o cümlədən iqlim maliyyələşməsi bütün tərəflərlə əhatəli şəkildə müzakirə olunur və danışıqların uğurlu nəticələnməsi istiqamətində mümkün həll yolları üzərində fəal iş aparılır”, - deyə o əlavə edib.
Aytac Qasımova