Gənc qız avtobusdan düşdü, avtomobil vurdu - Vəziyyəti AĞIRDIR

Dünən Şamaxının Məlikçobanlı kəndində 18 yaşlı Güldanə Aqşin qızı Xəlilovanı avtomobil vurub, saat 16:00-da komatoz vəziyyətdə Şamaxı Rayon Mərkəzi Xəstəxanasının Təcili tibbi yardım şöbəsinə hospitalizasiya edilib.

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib.

Qeyd olunub ki, gənc qızın vəziyyəti ağır olduğuna görə, reanimasiya şöbəsinə köçürülüb və orada süni tənəffüs aparatına qoşulub:

"Müayinə zamanı ona dəqiqləşdirilməmiş kəllə-beyin travması və beyindaxili qansızma diaqnozları qoyulub".

"Xəstə Kliniki Tibbi Mərkəzə hospitalizasiya edilib. İlkin tibbi yardım göstərildikdən sonra reanimasiya şöbəsinə yerləşdirilib, hazırda vəziyyəti ağır olaraq qiymətləndirilir", - deyə məlumatda əlavə olunub.

Məhərrəm Əliyev

17:04

Şamaxıda gənc qızı "Ford" markalı avtomobil vurub.

Oxu.Az xəbər verir ki, Şamaxı rayon sakini olan 2007-ci il təvəllüdlü Güldanə Aqşin qızı Xəlilova Məlikçobanlı kəndində avtobusundan düşüb, yolu keçərkən Nəcəf Xudaverdiyevin idarə etdiyi avtomobil onu vurub.

Müxtəlif dərəcəli bədən xəsarətləri alan zərərçəkən Şamaxı Rayon Mərkəzi Xəstəxanasına yerləşdirilib. O, daha sonra isə Bakıdakı Kliniki Tibbi Mərkəzə göndərilib.

Vəziyyətinin ağır olduğu deyilir.