Mingəçevir şəhərində iki yeniyetmənin vurulması ilə nəticələnən yol-nəqliyyat hadisəsi baş verib.
Oxu.Az-ın məlumatına görə, hadisə bu gün saat 16:00-da qeydə alınıb.
Belə ki, şəhərin Nəriman Nərimanov və Əliağa Vahid küçələrinin kəsişməsində 23 yaşlı Elçin İsgəndər oğlu Əsədovun idarə etdiyi "Mercedes" markalı 99-LS-249 dövlət nömrə nişanlı avtomobil skuter sürən iki yeniyetməni vurub.
Hadisə nəticəsində 2009-cu il təvəllüdlü Cavidan Cavid oğlu Kərimov və 2010-cu il təvəllüdlü Ayaz Ceyhun oğlu Süleymanov xəsarət alıblar.
Faktla bağlı araşdırma aparılır.
Əzizə İsmayılova
