"Bayram günlərində yağışlı hava şəraitində paytaxt yollarında qəzalar hansı səbəbdən baş verdi? Maddi zərər, yollarda itirilən vaxt və yaranan nəqliyyat sıxlığı".
Oxu.Az xəbər verir ki, bu barədə Daxili İşlər Nazirliyi (DİN) Nəqliyyatı İntellektual İdarəetmə Mərkəzi (NİİM) məlumatında bildirilib.
Qeyd olunub ki, bəzi sürücülərin qaydalara əməl etməməsi nəticəsində elə onların özləri belə vəziyyətlə qarşılaşırlar. Bayram günlərində yağışlı havalarda qeydə alınan bu hadisələrin də baş vermə səbəbləri eynidir.
"Sürət həddinin düzgün seçilməməsi, ara məsafəsinin hava və yol şəraitinə uyğun saxlanılmaması, manevretmə qaydalarının pozulması. Sürücülər bilməlidirlər ki, qaydalara səthi yanaşdıqda nəticəsi bu videodakı kimi ola bilər", - deyə məlumatda vurğulanıb.
