Bakının Nərimanov rayonu, Nazim Hacıyev küçəsində baş verən uçqunla bağlı bina sakinləri Baku TV-yə danışıblar.
İkinci mərtəbədə yaşayan sakinin sözlərinə görə, bir ildir evin damı qəzalı vəziyyətdə olub və bununla bağlı aidiyyəti orqanlara məlumat verib. Lakin uçqun baş verənədək maraqlanmayıblar.
Digər sakin isə bildirir ki, bina 1941-ci ildə tikilib və qəzalı vəziyyətdə idi.
Onlar bildirirlər ki, bir neçə il əvvəl də binanın bir hissəsi uçub və bəzi sakinlər köçürülüb. Lakin dam örtüyü hələ də qəzalı vəziyyətdədir.
Qeyd edək ki, hadisə nəticəsində xəsarət alan olmayıb, xilasedicilər tərəfindən ərazidə müvafiq təhlükəsizlik tədbirləri görülüb.
Bakının Nərimanov rayonu, Nazim Hacıyev küçəsində uçqun baş verib.
Bu barədə Oxu.Az-ın sorğusuna cavab olaraq Fövqəladə Hallar Nazirliyinin mətbuat xidmətindən bildirilib.
Qeyd olunub ki, məlumatla əlaqədar dərhal əraziyə FHN-in Xüsusi Riskli Xilasetmə Xidmətinin xilasediciləri cəlb olunublar:
"Hadisə yerində əməliyyat şəraiti qiymətləndirilərkən, yaşayış olmayan dördmərtəbəli binanın bir hissəsində mənzillərin tavanının çökdüyü müəyyən edilib.
Hadisə nəticəsində xəsarət alan olmayıb. Xilasedicilər tərəfindən ərazidə müvafiq təhlükəsizlik tədbirləri görülüb".
Bakı şəhəri, Nərimanov rayonunda yerləşən binada uçqun baş verib.
Oxu.Az-ın əldə etdiyi məlumata görə, hadisə bu gün saat 17:40-da Nazim Hacıyev küçəsində qeydə alınıb.
Qeyd edək ki, məsələ ilə bağlı aidiyyəti quruma sorğu ünvanlanıb.
