Azərbaycanın tanınmış dövlət xadimi Hidayət Orucov vəfat edib.
Oxu.Az xəbər verir ki, bu barədə onun yaxınları sosial şəbəkədə məlumat veriblər.
Qeyd edək ki, Hidayət Orucov uzun illər dövlət idarəçiliyi, diplomatik fəaliyyət və ədəbi yaradıcılıq sahələrində çalışıb.
Azərbaycanın ictimai-siyasi və mədəni həyatında mühüm rol oynayıb.
Hidayət Orucov 1944 cü ildə anadan olub.
O, müxtəlif illərdə Azərbaycan Respublikası Prezidentinin millətlərarası münasibətlər üzrə müşaviri, milli siyasət məsələləri üzrə Dövlət müşaviri, Dini Qurumlarla İş üzrə Dövlət Komitəsinin sədri vəzifələrində çalışıb.
Hidayət Orucov 2012-2021-ci illərdə Azərbaycanın Qırğızıstandakı fövqəladə və səlahiyyətli səfiri olub.
O həmçinin poeziya, nəsr, publisistika və tərcümə sahələrində fəaliyyət göstərərək 60-dan artıq kitabın müəllifi olub.
