Lənkəranda avtomobilin vurduğu azyaşlının vəziyyəti açıqlanıb.
Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, iyunun 11-də saat 14:55-də Lənkəran şəhərində baş vermiş piyadavurma hadisəsi nəticəsində bir nəfər (qadın cinsli) bədənin müxtəlif dərəcəli travması diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.
Yaralıya zəruri ilkin tibbi xidmətlər göstərilib. Müalicəsi Təcili yardım şöbəsində davam etdirilir. Vəziyyəti qənaətbəxş olaraq qiymətləndirilir.
Lənkəran şəhərində məktəbli qızı maşın vurub.
Oxu.Az-ın məlumatına görə, hadisə şəhərin M. Nəsirli küçəsində baş verib.
Həmin küçədə hərəkətdə olan VAZ-2107 markalı avtomobil 2017-ci il təvəllüdlü qızı vurub. Azyaşlı dərhal Lənkəran Rayon Mərkəzi Xəstəxanasına çatdırılıb.
Faktla bağlı araşdırma aparılır.
Məlumata görə, səkkiz yaşlı qız orta məktəbin üçüncü sinif şagirdidir.
Samir Əli
