Masallıda yanğın: Xəsarət alan var

Masallı rayonunun Ərkivan qəsəbəsində yanğın olub.

Oxu.Az xəbər verir ki, bu barədə Fövqəladə Hallar Nazirliyinin Mətbuat Xidməti məlumat yayıb.

Bildirilib ki, ümumi sahəsi 90 kvadratmetr olan kürsülü, birmərtəbəli 4 otaqlı evin 3 otağının yanar konstruksiyaları 62 kv.m sahədə və dam örtüyünün taxta atmaları 50 kv.m sahədə yanıb. Yanğın zamanı 1 nəfər yanıq xəsarəti alıb.

Evin qalan hissəsi və yaxınlıqda olan tikililər yanğından mühafizə olunub. Yanğın yanğından mühafizə bölmələri tərəfindən söndürülüb.