Tibbi Ərazi Bölmələrini İdarəetmə Birliyi (TƏBİB) Qubada baş verən zəncirvari qəzada xəsarət alanların vəziyyətini açıqlayıb.
TƏBİB-dən Oxu.Az-ın sorğusuna cavab olaraq bildirilib ki, Quba rayonu Pirvahid kəndi ərazisində baş verən yol-nəqliyyat hadisəsi səbəbi ilə xəsarət alan beş nəfər (iki kişi, iki qadın, bir azyaşlı) bu gün saat 09:50-də Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Onlara bədənin müxtəlif nahiyələrinin travmaları, qabırğa sınıqları, baş beyin silkələnməsi, açıq kəllə-beyin travması və komatoz vəziyyət diaqnozları təyin edilib.
1973-cü il təvəllüdlü (kişi) və 2021-ci il təvəllüdlü azyaşlının müalicəsi Reanimasiya şöbəsində davam etdirilir. Onların vəziyyəti ağır qiymətləndirilir.
Digər 3 nəfərin müalicəsi isə Təcili tibbi yardım şöbəsində davam etdirilir. Vəziyyətləri orta ağır qiymətləndirilir.
Samir Əli
Avqustun 6-sı səhər saatlarında Quba-Bakı avtomobil yolunun Qaraçay qəsəbəsi ərazisindən keçən hissəsində zəncirvari yol-nəqliyyat hadisəsi baş verib.
Oxu.Az xəbər verir ki, hadisə zamanı KIA, "Toyota" markalı minik avtomobilləri və yük maşını toqquşub.
İlkin məlumata görə, qəza nəticəsində beş nəfər xəsarət alıb, ölən olmayıb.
Xəsarət alanlar xəstəxanaya çatdırılıblar. Onların vəziyyətləri orta ağır qiymətləndirilir.
Faktla bağlı araşdırma aparılır.
