Sabirabadda mikroavtobusun iştirakı ilə baş verən ağır yol-nəqliyyat hadisəsi nəticəsində xəsarət alanların vəziyyəti açıqlanıb.
Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, 17 mart saat 18 radələrində Sabirabad rayonu ərazisində qeydə alınan qəza səbəbilə 10 nəfər (bir kişi və doqquz qadın) Şirvan Şəhər Mərkəzi Xəstəxanasının Təcili tibbi yardım şöbəsinə yerləşdirilib.
"Hospitalizasiya olunan şəxslərə bədənin müxtəlif nahiyələrinin çoxsaylı travmaları diaqnozu qoyulub. Xəsarət alanlardan səkkiz nəfərə zəruri tibbi yardım göstərilib və onlar ambulator müalicə üçün artıq evə buraxılıblar", - deyə məlumatda qeyd olunub.
Bildirilib ki, hazırda digər iki nəfərin müalicəsi xəstəxananın müvafiq şöbəsində davam etdirilir: "Vəziyyətləri ağır (kişi) və orta ağır (qadın) olaraq qiymətləndirilir".
Sabirabadda mikroavtobusun iştirakı ilə avtomobil qəzası baş verib, 7 nəfər xəsarət alıb.
Oxu.Az APA-ya istinadən xəbər verir ki, hadisə Sabirabad rayonunun Dadaşbəyli kəndində baş verib.
Belə ki, FORD markalı mikroavtobusla "Ateko" markalı avtomobilin toqquşması nəticəsində 7 nəfər xəsarət alaraq Şirvan Şəhər Mərkəzi Xəstəxanasına yerləşdirilib. Qəza səbəbindən Şirvan-Sabirabad yolunda 40 dəqiqə ərzində böyük tıxac yaranıb.
Faktla bağlı araşdırma aparılır.
Sabirabadda mikroavtobusun iştirakı ilə yol-nəqliyyat hadisəsi baş verib.
Oxu.Az APA-ya istinadən xəbər verir ki, hadisə Sabirabad rayonunun Dadaşbəyli kəndində qeydə alınıb.
Mikroavtobusla minik avtomobilinin toqquşması nəticəsində yeddi nəfər xəsarət alaıb. Onlar Şirvan Şəhər Mərkəzi Xəstəxanasına yerləşdiriliblər.
Faktla bağlı araşdırma aparılır.
