Sumqayıt şəhərinin "Yaşıl dərə" yaşayış massivində kanalın daşması sakinlər üçün çətinlik yaradıb.
Bu barədə Oxu.Az-ın qaynar xəttinə (+994 55 224-12-12) müraciət daxil olub.
Sakinlərin sözlərinə görə, yaşayış ərazisindən keçən Acıdərə kanalı daşıb. Nəticədə ətraf ərazini üfunət bürüyüb və antisanitar vəziyyət yaranıb. Şikayətçilər bildiriblər ki, bu hal yağıntılı günlərdə mütəmadi təkrarlanır.
Məsələ ilə bağlı İri Şəhərlərin Su Təchizatı (İŞST) qurumuna sorğu ünvanladıq.
Nəzrin Mirzəyeva
Qaynar xətt:
(055) 224 12 12
