Tərtər şəhər sakini, 87 yaşlı Solmaz Fərzəliyevanın suvarma kanalında batdığı ehtimal olunur.
Məlumata görə, Solmaz Fərzəliyeva həyat yoldaşının vəfatından sonra tək yaşadığı üçün bacısı oğlunun himayəsində qalırmış. Yaxınlarının bildirdiyinə görə, o, son zamanlar psixoloji gərginlik keçirirmiş.
Qohumu hadisəni belə şərh edib:
"Özünü idarə edirdi, yeməyini yeyirdi, lakin huşu bir az zəifləyib. Səhər saat 8-də duranda gördüm ki, qapının yarısı açıq qalıb. Fikirləşdim ki, niyə belə olub? Sonra bütün yerləri gəzdim, baxdım, amma heç yerdə yox idi. Ehtimal olunur ki, o, çölə çıxıb və qonşunun qapısı açıq qaldığı üçün oradan suya düşüb".
Tərtərçay Hidroqovşağının əməkdaşı Azər Məmmədov məsələ ilə bağlı deyib:
"Deyilənlərə görə, Axundov küçəsindən Solmaz adlı bir qadın itib. İtkin düşən şəxsin yaxınları ilə birlikdə axtarış aparmışıq. Hazırda heç bir məlumat yoxdur".
Daha ətraflı Baku TV-nin videomaterialında:
Tərtər rayon sakini Solmaz Fərzəliyeva suvarma kanalında batıb.
Oxu.Az "Qafqazinfo"ya istinadən 87 yaşlı qadının fotosunu təqdim edir:
Tərtərdə suvarma kanalında batan şəxsin kimliyi məlum olub.
Oxu.Az "Report"a istinadən xəbər verir ki, Tərtər şəhər sakini, 1938-ci il təvəllüdlü Solmaz Fərzəliyevanın suvarma kanalında batması ehtimal edilir.
Bu barədə yaxınları tərəfindən Fövqəladə Hallar Nazirliyinin "112" qaynar telefon xəttinə məlumat verilib.
Hazırda FHN-nin dalğıc-xilasediciləri axtarışlara cəlb olunublar.
Tərtər şəhərində suvarma kanalında bir nəfərin batıb.
Oxu.Az xəbər verir ki, bu barədə Fövqəladə Hallar Nazirliyi (FHN) məlumat yayıb.
Qeyd olunub ki, Nazirliyin "112" qaynar telefon xəttinə Tərtər şəhərində suvarma kanalında bir nəfərin batması barədə ilkin məlumat daxil olub.
Məlumatla əlaqədar qurumun Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
