UEFA Millətlər Liqasının qrup mərhələsində növbəti oyunlar keçirilib.
Oxu.Az xəbər verir ki, oyun günündə 10 qarşılaşma baş tutub.
Millətlər Liqasının 5-ci turunda Serbiya millisi öz meydanında Almaniya yığmasına 1:3 hesabı ilə məğlub olub. Qarşılaşma Belqraddakı "Rayko Mitiç" stadionunda keçirilib.
Oyunun 3-cü dəqiqəsində "Spartak"ın serbiyalı müdafiəçisi Serdar Babiç topu öz qapısına göndərib. Cəmi 10 dəqiqə sonra yarımmüdafiəçi Florian Virts Almaniya millisinin üstünlüyünü iki topa çatdırıb.
İkinci hissənin əvvəlində Brayan Qruda Almaniyanın üçüncü qolunu vurub. Daha sonra Serdar Babiç Serbiya millisinin yeganə qoluna imza atıb.
Serbiya millisi qarşılaşmanı doqquz futbolçu ilə başa vurub. Oyunun sonlarında Andriya Jivkoviç və Vanya Draqoyeviç qırmızı vərəqə alıblar.
Qələbədən sonra Almaniya 8 xalla A Liqasının II qrupunda üçüncü pillədə qərarlaşıb. Serbiya isə xalsız sonuncu yerdədir.
Digər görüşlərdə aşağıdakı nəticələr qeydə alınıb:
A Liqası, II qrup
Niderland - Yunanıstan - 7:0;
B Liqası, I qrup
Şotlandiya - Şimali Makedoniya - 2:1;
Sloveniya - İsveçrə - 0:0.
C Liqası, III qrup
Moldova - Qazaxıstan - 2:1;
Slovakiya - Farer adaları - 2:2.
C Liqası, IV qrup
Bolqarıstan - İslandiya - 0:5;
Lüksemburq - Estoniya - 0:1.
D Liqası, I qrup
Andorra - Cəbəllüttariq - 2:0.
D Liqası, II qrup
Lixtenşteyn - Azərbaycan - 0:1.
