Andrea Pirlo “Krallar Liqası”nda oynayacaq

İtaliya futbolunun əfsanəsi Andrea Pirlo Jerar Pikenin təşkil etdiyi “Kings League”də (“Krallar Liqası”) oynayacaq.

Yarışın rəsmi saytının yaydığı məlumata görə, 44 yaşlı keçmiş yarımmüdafiəçi bazar günü “Jijantes”in heyətində “Pio”ya qarşı çıxış edəcək.

Qeyd edək ki, “Kings League”də şou-biznes ulduzları və keçmişin futbol əfsanələrindən ibarət komandalar çıxış edir. Matçlar Barselonada 7x7 formatında keçirilir. Hər oyun 40 dəqiqə davam edir.

Xatırladaq ki, Andrea Pirlo bir neçə gün əvvəl Türkiyənin “Karagümrük” klubunun baş məşqçisi postunu tərk edib.