Muay-tay üzrə Azərbaycan millisi Polşada təşkil olunan III Avropa Oyunlarında 3-cü medalını təmin edib.
Oxu.Az xəbər verir ki, qadın idmançı Emili Rzayeva yarımfinala vəsiqə qazanmaqla bunu reallaşdırıb.
Onun 63,5 kq çəki dərəcəsində 1/4 final mərhələsindəki rəqibi Nora Kornelli (Fransa) çəkiyə gəlmədiyi üçün E.Rzayeva qalib elan olunub.
Qeyd edək ki, bu gün muay-tay üzrə Azərbaycan millisinin digər üzvləri Xəyal Əliyev (67 kq) və Aysu Devrişova (57 kq) yarımfinala adlayaraq, minimum bürünc medalı təmin ediblər.
17:50
Polşada keçirilən III Avropa Oyunları davam edir.
Oxu.Az xəbər verir ki, muay-tay üzrə Azərbaycan millisinin üzvü Xəyal Əliyev ən azı bürünc medalı təmin edib.
67 kq çəki dərəcəsində çıxış edən idmançı buna yarımfinala yüksəlməklə nail olub. Əliyev 1/4 final mərhələsində Giorgi Kleynə (Gürcüstan) qalib gəlib.
Boks yarışında Malik Həsənov (63,5 kq) və Sərxan Əliyev (71 kq) mübarizəyə qoşulublar.
Birinci döyüşündə polşalı Bartlomey Roskoviçə qalib gələn M.Həsənov 1/8 finalda Din Klinsiyə (İrlandiya) uduzub.
Sərxan Əliyev isə 1/16 finalda Mixal Takacsla (Slovakiya) üz-üzə gəlib və rəqibini məğlub edib. O, 1/8 finalda latviyalı Martins Blumentalsla döyüşəcək. Görüş iyunun 27-də olacaq.
92 kq-dan yuxarı çəkidə mübarizə aparan Məhəmməd Abdullayev 1/16 finalda Uğur Aydemirlə (Türkiyə) qarşılaşıb. O, rəqibini tam üstünlüklə məğlub edərək, 1/8 finala yüksəlib. M.Abdullayev iyunun 27-də gürcüstanlı Nikolos Beqadze ilə döyüşəcək.
Taekvondoçuların yarışında Fəridə Əzizova 1/8 finalda Athanasiya Mitsopoulou (Yunanıstan) ilə üz-üzə gəlib. 67 kq çəki dərəcəsində çıxış edən idmançı rəqibinə 1:2 hesabı ilə məğlub olub. Mitsopolou finala çıxa bilmədiyindən F.Əzizova medal şansını itirib.
74 kq-dakı Eltac Qafarov isə 1/8 finaldakı rəqibi Lukaş Çudnoç (Polşa) zədə səbəbindən qarşılaşmaya çıxmadığı üçün 1/4 finala vəsiqə qazanıb. Bu raundda serbiyalı Stefan Takovla üz-üzə gələn təmsilçimiz məğlubiyyətlə üzləşib. Takov finala yüksəlsə, Azərbaycan idmançısı təsəlliverici görüşə qatılacaq.
Qılıncoynadanlara gəlincə, Murad Əkbərov və Saleh Məmmədov sablya növündə qrup mərhələsini uğurla başa vurublar.
Həm M.Əkbərov, həm də S.Məmmədov qrupda iki qələbə qazanaraq, növbəti raunda yüksəliblər. Lakin burada Murad Əkbərov ispaniyalı İnyaki Bravoya 9:15, Saleh Məmmədov isə Polşa idmançısı Pyotr Şçepanikə 5:15 hesabı ilə uduzub.
Digər sablyaçılar Maqsud Hüseynli ilə Ayxan Xasıyev mübarizəni qrup mərhələsində dayandırıblar.
Qeyd edək ki, Azərbaycan Avropa Oyunlarında daha əvvəl iki qızıl, bir gümüş və iki bürünc əldə edib.
09:24
Polşada III Avropa Oyunları davam edir.
Oxu.Az xəbər verir ki, yarışın altıncı günündə Azərbaycan idmançıları beş növdə mübarizə aparacaqlar.
Muay-tay və qılıncoynatmada dörd, atıcılıq və boksda üç, taekvondoda isə iki idmançı qüvvəsini sınayacaq.
Avropa Oyunları
25 iyun
Atıcılıq
11:00. Regina Meftahətdinova, Nurlana Cəfərova (skit)
11:15. Nigar Nəsirova (25 metr məsafədən tapança ilə atəş açma)
Taekvondo
Qadınlar
11:36. 67 kq. 1/8 final. Fəridə Əzizova - Atanasia Mitsopoulou (Yunanıstan)
Kişilər
12:35. 74 kq, 1/8 final. Eltac Qafarov - Lukaş Çudnoç (Polşa)
Qılıncoynatma
15:00. Kişilər, sablya, qrup mərhələsi (Saleh Məmmədov, Murad Əkbərov, Maqsud Hüseynli, Ayxan Xasıyev)
Boks
15:45. Kişilər, 63,5 kq, 1/8 final. Malik Həsənov - Din Klinsi (İrlandiya)
16:15. Kişilər, 71 kq, 1/16 final. Sərxan Əliyev - Mixal Takacs (Slovakiya)
17:15. Kişilər, +92 kq, 1/16 final. Məhəmməd Abdullayev - Uğur Aydemir (Türkiyə)
Muay-tay
Kişilər
16:25. 67 kq, 1/4 final. Xəyal Əliyev - Giorgi Kleyn (Gürcüstan)
18:10. 71 kq, 1/4 final Məhəbbət Hümbətov - Yakub Rajevski (Polşa)
Qadınlar
19:10. 57 kq, 1/4 final. Aysun Dərvişova - Zelyana Pitesa (Xorvatiya)
20:10. 63,5 kq, 1/4 final. Emiliya Rzayeva - Nora Kornoll (Fransa)
