Fransada “Marsel” və “Qarabağ” komandaları arasında keçiriləcək Avropa Konfrans Liqasının pley-off mərhələsinin ilk oyununda qonaq komandanın azarkeşləri üçün nəzərdə tutulmuş biletlər matç günü satışa çıxarılacaq.
Oxu.Az klubun “Instagram” hesabına istinadən xəbər verir ki, qarşılaşmanı tribunadan izləmək istəyən fanatlar biletləri 17:00-dan 20:30-dək görüşün oynanılacağı “Velodrom” arenasında ayrılacaq kassadan ala bilərlər.
Biletlərin qiyməti 20 avrodur. “Qarabağ” azarkeşləri üçün stadiona giriş 20-ci qapıdan olacaq.
Bildirilib ki, stadiona avtomobillə gələcək tamaşaçılar P3 parkinqindən istifadə edə bilərlər. Avtomobil üçün yerlərin sayı məhduddur (22 yer).
View this post on InstagramQeyd edək ki, fevralın 17-də keçiriləcək “Marsel” – “Qarabağ” oyunu Bakı vaxtı ilə saat 00:00-da başlayacaq.
Xatırladaq ki, Bakıda keçiriləcək cavab oyununun biletləri dünən saat 11:00-dan etibarən satışa çıxarılıb.
"Fransa" teqi üzrə xəbərlər
- Fransa Niger səfirliyinin iki əməkdaşını ölkədən çıxarıb
- Məşhur müğənni Selin Dion konsert zamanı səhnədə yıxıldı - Video
- Fransada Renuarın əsərlərinin oğurlanması işi üzrə altı nəfər saxlanılıb
- Fransada hökumət etirazçılara təslim oldu: Liseylərdə dərslər dayandırılır
- Fransa yeni nüvə raketini sınaqdan keçirdi - Video
Digər xəbərlər
