Bu gün futbol üzrə İspaniya çempionatının 14-cü turu çərçivəsində “Barselona” və “Real Madrid” klubları üz-üzə gəlib.
Oxu.Az Report-a istinadən xəbər verir ki, La Liqanın lideri və Çempionlar Liqasının hazırkı qalibi “Real Madrid” mövsümün ilk “El Klassiko”sunu rəqib meydanında keçirib.
Oyunda qalib müəyyənləşməyib. Matçda hər 2 qol fasilədən sonra vurulub. Luis Suares fasilədən az sonra “Barselona”nı hesabda irəli çıxarsa da, rəqib kapitan Serxio Ramos son dəqiqədə başla qolla komandasını məğlubiyyətdən xilas edib.
Bununla da “Real Madrid” məğlubiyyətsiz seriyasını davam etdirib və ən yaxın izləyicisi olan “Barselona” ilə 6 xallıq fərqini qoruyub saxlayıb.
İspaniya Primerosu, XIV tur
“Barselona” – “Real Madrid” - 1:1
Qollar: Luis Suares, 53 - Serxio Ramos, 90
E.Ə.
www.oxu.az
