"Bavariya" çempion oldu, Keyn karyerasında ilk kubokunu qazandı

Almaniya Bundesliqasının 32-ci turunda "Frayburq" "Bayer Leverkuzen"lə 2:2 hesabı ilə heç-heçə edib.

Oxu.Az xəbər verir ki, bu nəticədən sonra "Bayer" lider "Bavariya"ya çatmaq şansını itirib.

Beləliklə də, bütün komandalar üçün əlçatmaz olan Münhen klubu 34 qat Almaniya çempionu adını qazanıb.

Vensan Kompaninin komandası çempionatın bitməsinə iki tur qalmış Xabi Alonsonun yetirmələrini 8 xal qabaqlayır.

Qeyd edək ki, "Bavariya"nın çempionluğu ilə komandanın 31 yaşlı forvardı Harri Keyn də karyerasında ilk dəfə kubok qazanıb. Almaniya çempionatının hazırkı mövsümündə o, 29 oyun keçirib, 24 qol vurub və 8 məhsuldar ötürmə edib.

"Bavariya" çempion oldu, Keyn karyerasında ilk kubokunu qazandı