Bundesliqa: "Borussiya Dortmund" - "Bavariya" matçında qalib müəyyənləşmədi

Futbol üzrə Almaniya çempionatının 12-ci turunda Dortmund "Borussiya"sı ev matçında "Bavariya" ilə qarşılaşıb.

Oxu.Az xəbər verir ki, oyun 1:1 hesabı ilə heç-heçə başa çatıb.

Görüşün 27-ci dəqiqəsində "Borussiya"nın futbolçusu Bayno-Gittens hesabı açıb. "Bavariya" yalnız 85-ci dəqiqədə Musialanın qolu sayəsində hesabı bərabərləşdirə bilib.

Beləliklə, Münhen klubu 30 xalla Bundesliqanın turnir cədvəlində 1-ci pilləni qoruyub. "Borussiya Dortmund" isə 20 xalla 5-ci yerdədir.