"Çelsi" 23 yaşlı futbolçu üçün 60 milyon avro ödəyəcək

Londonun "Çelsi" klubu "Brayton"un hücumçusu Juan Pedro üçün transfer təklifi edəcək.

Oxu.Az "Mail Sport" nəşrinə istinadla xəbər verir ki, "mavilər"in rəhbərliyi braziliyalı ilə bağlı "qağayılar"la danışıqlara başlamaq qərarına gəlib.

Mənbənin məlumatına görə, "Çelsi" 23 yaşlı futbolçu üçün 50 milyon funt sterlinq (təxminən 60 milyon avro) təklif etməyə hazırdır.

"Transfermarkt" Pedronun dəyərini 50 milyon avro olaraq qiymətləndirir.

Hücumçu cari Premyer Liqa mövsümündə 27 matçda 10 qol vurub və 6 məhsuldar ötürmə edib.