"Çelsi" "Nottingem Forest"lə heç-heçə etdi

İngiltərə Premyer Liqasının (İPL) 2024/2025 mövsümünün 7-ci turunun "Çelsi" və "Nottingem Forest" komandalarının qarşılaşdığı matç başa çatıb.

Oxu.Az xəbər verir ki, oyun Londondakı "Stemford Bric"də baş tutub. Matçı Lankaşirdən (İngiltərə) Kris Kavanaqın rəhbərlik etdiyi hakimlər briqadası idarə edib. Komandalar oyunu 1:1 hesabı ilə bitiriblər.

49-cu dəqiqədə "Nottingem"in hücumçusu Kris Vud hesabı açıb. "Çelsi"nin cavab qolunu 57-ci dəqiqədə hücumçu Noni Madueke vurub. 78-ci dəqiqədə qonaqların yarımmüdafiəçisi Ceyms Uord-Prauzs qırmızı vərəqə alıb.

Yeddi oyundan sonra "Çelsi" 14 xalla İPL-in turnir cədvəlində dördüncü yerdədir. "Nottingem Forest" eyni sayda oyundan sonra 10 xalla 9-cu yerdə qərarlaşıb.